नेपाल टि–२० सिरिजको अन्तिम खेलमा आज स्कटल्याण्डसँग उपाधि लक्ष्यसहित प्रतिस्पर्धा गर्दै

स्कटल्याण्डमा जारी टि–२० अन्तर्राष्ट्रिय सिरिजको अन्तिम खेल आज हुँदैछ। नेपाली समयअनुसार साँझ ७ः४५ बजे ग्लास्गोमा सुरु हुने यो खेलमा नेपाल उपाधि जित्ने उद्देश्यका साथ स्कटल्याण्डविरुद्ध मैदानमा उत्रिनेछ।सिरिजअन्तर्गत नेपालले हालसम्म दुई खेलमा जित हात पारेको छ भने स्कटल्याण्डले एक खेल मात्र जितेको छ। नेपाल पहिलो खेलमा नेदरल्याण्ड्ससँग तेस्रो सुपर ओभरमा पराजित भएको थियो। त्यसपछि दोस्रो खेलमा स्कटल्याण्डलाई दुई विकेटले र तेस्रो खेलमा नेदरल्याण्ड्सलाई ६ विकेटले पराजित गर्दै शीर्ष स्थानमा उक्लिएको हो।

त्यस्तै, स्कटल्याण्डले पहिलो खेलमा नेदरल्याण्ड्सलाई ३९ रनले हराएको थियो। दोस्रो खेलमा नेपालसँग दुई विकेटले पराजित भयो भने तेस्रो खेलमा नेदरल्याण्ड्ससँग १७ रनले हार बेहोरेको थियो।

हिजोको खेलमा नेदरल्याण्ड्समाथि जित निकालेसँगै नेपाल सिरिजको शीर्ष स्थानमा पुगेको छ। आज स्कटल्याण्डलाई पराजित गर्न सकेमा नेपाल सिरिजको च्याम्पियन बन्नेछ।