नेभिगेशन
खेलकुद

साविक उपविजेता सुदूरपश्चिमले दर्ता गराए एनपिएलमा पहिलो जित, पोखरा एभेन्जर्स ६ विकेटले पराजित

काठमाडौं । कप्तान दीपेन्द्रसिंह ऐरीको अर्धशतकमा साविक उपविजेता सुदूरपश्चिम रोयल्सले एनपीएलको तेस्रो संस्करणमा पहिलो जित निकालेको छ। किर्तिपुरस्थित टियु क्रिकेट रंगशालामा आज भएको खेलमा पोखरा एभेन्जर्सलाई ६ विकेटले पराजित गर्दै सुदूरपश्चिमले पहिलो जित दर्ता गराएको हो।

पोखराले दिएको १४६ रनको लक्ष्य सुदूरपश्चिमले १६.५ ओभरमा ४ विकेट गुमाएर पूरा गर्‍यो। दीपेन्द्रले ३६ बलमा ४ चौका र २ छक्कासहित ५० रन बनाए भने इशान पाण्डेले ३७ रनको योगदान दिए।

त्यसअघि पोखराले २० ओभरमा ७ विकेट गुमाएर १४५ रन बनाएको थियो। अर्जुन घर्तिमगरले अविजित ४० र महेदी हसनले ३२ रन बनाए। सुदूरपश्चिमका अनिल खरेलले ३ विकेट लिए।

प्रकाशित मिति:
प्रतिक्रिया दिनुहोस्