आदिबासी जनजाती चलचित्र महासंघले पाचौं चलचित्र महोत्सव गर्दै

आदिवासी जनजाति चलचित्रकर्मी महासंघको पहलमा ‘पाँचौं आदिवासी जनजाति चलचित्र महोत्सव २०८२’ आयोजना हुने भएको छ। आइतवार राजधानी काठमाडौँमा आयोजित पत्रकार सम्मेलनमार्फत महासंघले महोत्सवबारे जानकारी दिएको हो। आगामी असार ६ गतेदेखि ८ गतेसम्म चलचित्र विकास बोर्डको हलमा महोत्सव सम्पन्न गरिने छ।

महोत्सव निर्देशक प्रतिमाया पुन मगरका अनुसार यस पटक विभिन्न भाषाभाषामा निर्मित १९ वटा चलचित्रहरु प्रदर्शन गरिनेछ। महोत्सवमा आठ विधामा अवार्ड पनि वितरण गरिने बताइएको छ। 'आदिवासी जनजाति चलचित्रको प्रवर्द्धन, मौलिक भाषा र संस्कृतिको संरक्षण' भन्ने नाराका साथ महोत्सव भव्य र सभ्य रुपमा सम्पन्न हुने आयोजकको अपेक्षा छ।