सरकारको निर्णय : फेसबुकसहित २६ सामाजिक सञ्जाल आजदेखि बन्द

काठमाडौं । सरकारले सूचीकृत प्रक्रियामा नआएका सामाजिक सञ्जालहरू बन्द गर्ने निर्णय गरेको छ।

सञ्चार तथा सूचना प्रविधि मन्त्री पृथ्वीसुब्बा गुरुङको अध्यक्षतामा बिहीबार बसेको बैठकले तोकिएको समयसीमा भित्र दर्ता नभएका सञ्जाललाई तत्काल प्रभावबाट बन्द गर्ने निर्णय गरेको हो।

सरकारको यो निर्णयसँगै फेसबुकसहित २६ वटा सामाजिक सञ्जाल आजदेखि नै नेपालमा सञ्चालन नहुने भएका छन्।

बैठकमा मन्त्रालयका उच्च अधिकारी, नेपाल दूरसञ्चार प्राधिकरणका प्रतिनिधि लगायतको उपस्थिति थियो। सरकारले सामाजिक सञ्जालहरूलाई नियमनमा ल्याउन एक साताको समयसीमा तोकेको थियो, जसको अवधी गएराती सकिएको हो।