‘नेपाल आइडल’ सिजन–६ को विजेता गंगा सोनाम

काठमाडौं — लोकप्रिय गायन रियालिटी शो ‘नेपाल आइडल’ सिजन–६ को उपाधि सिन्धुपाल्चोककी गंगा सोनामले जितेकी छिन्।

बिहीबार सम्पन्न भव्य ग्राण्ड फिनालेमा चार प्रतिस्पर्धीलाई पछि पार्दै सोनामले पहिलो स्थान हासिल गर्दै उपाधि हात पारिन्। विजेता बनेकी उनले ट्रफी सहित २५ लाख रुपैयाँ नगद पुरस्कार प्राप्त गरिन्।

यस सिजनमा भारतकी बबिता थापामगर फर्स्ट रनरअप बनेकी छन्। उनले १० लाख रुपैयाँ नगद र उपहार पाएकी छन्। त्यस्तै, चितवनकी दर्शना गान्धारी सेकेन्ड रनरअप घोषित हुँदै ५ लाख रुपैयाँ नगदसहित विभिन्न उपहार हात पारिन्।

स्मरणीय छ, गत वर्ष ‘नेपाल आइडल’ को पाँचौं सिजनमा करण परियार विजेता बनेका थिए।