नेभिगेशन
देश

गोरखापत्र जलाउन खोज्दा माइतीघरबाट एक युवा पक्राउ

काठमाडौं । गोरखापत्र दैनिकमा तीजसम्बन्धी प्रकाशित समाचारप्रति आपत्ति जनाउँदै पत्रिका जलाउने प्रयास गर्ने एक युवकलाई प्रहरीले पक्राउ गरेको छ।

‘निराहार व्रतले स्वास्थ्यमा प्रतिकूल असर’ शीर्षकमा मंगलबार प्रकाशित समाचारलाई लिएर आफूलाई राजावादी बताउने सन्तोष राजावादीले माइतीघर मण्डलामा गोरखापत्र जलाउन खोजेका थिए। तर, उनलाई त्यहीँबाट प्रहरीले नियन्त्रणमा लिएको हो।

समाचारमा तीजमा बसिने निराहार व्रतले महिलाको स्वास्थ्यमा नकारात्मक असर गर्ने भनाइलाई केन्द्रमा राखिएको थियो। यद्यपि राजावादीले उक्त समाचारले सनातन धर्ममाथि प्रहार गरेको आरोप लगाउँदै विरोधस्वरूप पत्रिका जलाउने प्रयास गरेका हुन्।

सञ्चारकर्मीहरूसँग कुरा गर्दै उनले धर्म र संस्कृतिको संरक्षण गर्नु आफ्नो अधिकार भएको भन्दै धर्ममाथि आँच पुर्‍याउने गतिविधिको विरोधमा उभिएको स्पष्ट पारे।

प्रकाशित मिति:
प्रतिक्रिया दिनुहोस्