मिसेस नेपाल अष्ट्रेलिया २०२५ सम्पन्न, लिला तिवारी पौडेल विजेता घोषित

अष्ट्रेलियाको मेलबर्नमा भव्यता, शालीनता र सांस्कृतिक गौरवसहित मिसेस नेपाल अष्ट्रेलिया २०२५ सम्पन्न भएको छ। प्रतियोगिताको मुख्य ताज बुटवलकी लिला तिवारी पौडेलले आफ्नो आत्मविश्वास, आकर्षण र प्रेरणादायी उपस्थितिबाट निर्णायक तथा दर्शकलाई मोहित गर्दै जितेकी हुन्।

ताजसँगै पौडेलले “एलीगेन्ट वाक” शीर्षक, १,००० अष्ट्रेलियन डलर नगद, लेट मी इन कोरियन हस्पिटल नेपालबाट ५०,००० रुपैयाँ बराबरको गिफ्ट ह्याम्पर र अन्य आकर्षक उपहारहरू प्राप्त गरिन्।

रनर–अप शीर्षकहरू

• पहिलो रनर–अप: सिवानी कट्टेल — “कन्फिडेन्स” उपाधि, ६०० अष्ट्रेलियन डलर, ३०,००० रुपैयाँ बराबरको गिफ्ट ह्याम्पर तथा अन्य उपहार।

• दोस्रो रनर–अप: आश्मा (एश) चालिसे — “ग्रेसफुल डीभा” उपाधि, ४०० अष्ट्रेलियन डलर, २०,००० रुपैयाँ बराबरको गिफ्ट ह्याम्पर र उपहार।

विजेता पौडेल हाल मेलबर्नको मिकलह्याममा बसोबास गर्दै नर्सिङ पेशामा संलग्न छिन्। पेशागत जिम्मेवारीसँगै उनी यात्राप्रेमी पनि हुन्।

विशेष उपाधिहरू
प्रतियोगितामा सहभागी १४ जना विवाहित नेपाली महिलामध्ये विभिन्न प्रतिभा र व्यक्तित्वका आधारमा अन्य उपाधिहरू पनि प्रदान गरियो।

• आकृति सापकोटा — बोल्ड एण्ड ब्युटी

• आरती सिंह — इन्टेलेक्चुअल

• जमुना अधिकारी रिजाल — कन्जेनियलिटी

• निवा प्रजापति साहुखल — सोशल इम्प्याक्ट एण्ड एलिगेन्ट पर्सनालिटी

• सन्ध्या भट्टराई — हर्ट अफ गोल्ड

• जस्मिन चौलागाईं ढकाल — मिसेस पोइज

• अनुजा मल्ल ढकाल — ट्यालेन्ट

• विद्या पनेरू — डिसिप्लिन

• रश्मी अधिकारी — फोटोजेनिक

• दीपा खनाल — बेस्ट एटिच्युड

• सरस्वती श्रेष्ठ — फेसनिष्टा

कार्यक्रमको आकर्षण
प्रतियोगिताको कोरियोग्राफी र सञ्चालन नेपालका फेसन कोरियोग्राफर तथा संचारकर्मी रोजिन शाक्यले गरेका थिए। यसलाई हिमाली कल्चर ग्रुप मेलबर्न र इभेन्ट्स नेपाल अष्ट्रेलियाले आयोजना गरेका थिए भने मिरेकल माइग्रेशन एण्ड एजुकेशनले प्रस्तुत र ग्रेस इन्टरनेशनल एजुकेशन एण्ड माइग्रेशनले पावरबाई गरेका थिए।

निर्णायक मण्डलमा कलाकार प्रकृति श्रेष्ठ, मिस नेपाल अर्थ २०११ अनुपमा अरा गुरुङ, एथ्रीके सोलुसनका एमडी विनोद कुवर, मिरेकल माइग्रेशन एण्ड एजुकेशनका निर्देशक सागर शाही र ग्रेस इन्टरनेशनलका निर्देशक प्रकाश रेग्मी सामेल थिए। कार्यक्रममा अष्ट्रेलियामा भिक्टोरियाका लागि नेपालका मानार्थ वाणिज्यदूत निराजन गौली मुख्य अतिथिका रूपमा उपस्थित भएका थिए।

महत्व
पहिलो संस्करणमै भव्यतापूर्वक सम्पन्न भएको मिसेस नेपाल अष्ट्रेलिया केवल सौन्दर्य प्रतियोगिता मात्र नभई नेपाली संस्कृति, परम्परा र विवाहित महिलाको प्रतिभा प्रदर्शन गर्ने अन्तर्राष्ट्रिय मञ्च बनेको छ। यसले सहभागी महिलाको आत्मविश्वास, नेतृत्व र संचार क्षमतालाई उजागर गर्दै नेपालका संस्कृति तथा पर्यटनलाई विश्वमञ्चमा प्रवर्द्धन गर्ने उद्देश्य बोकेको छ।