असाम प्रदेशसँग जारी टी–२० सिरिजमा आज नेपाल ‘ए’ चौथो प्रतिस्पर्धा गर्दै

काठमाडौं । भारतको असाम प्रदेशसँगको टी–२० सिरिजमा नेपाल ‘ए’ आज चौथो खेल खेल्दैछ।

सिरिजअन्तर्गत तीन खेल खेलेको नेपालले पहिलो खेलमा हार भोगेपछि लगातार दुई खेलमा विजय हासिल गरेको छ। यसै क्रममा चौथो खेल आइतबार साँझ ५ बजे तय भएको छ।

नेपाल र असामबीचको पाँचौँ र अन्तिम खेल सोमबार हुनेछ।

क्यानले सार्वजनिक गरेको टिममा कप्तान अनिलकुमार साहसहित अदिल आलम, पवन सर्राफ, सन्दीप जोरा, शुभ कंशाकार, ईशान पाण्डे, देव खनाल, विवेककुमार यादव, कमलसिंह ऐरी, बसिर अहमद, आकाश चन्द, सागर ढकाल, अर्जुन घर्तीमगर, तृतराज दास, युवराज खत्री र शेर मल्ल समावेश छन्।