थारु विद्यार्थी समाज उपत्यका समितिको आयोजनामा “थारु सुपर लिग” नामक सात ए-साइड फुटसल प्रतियोगिता हुने भएको छ। बडादशैं, तिहार (शुभ दीपावली) र छठ पर्वको अवसरमा आयोजना हुन लागेको यो प्रतियोगिता भदौ २८ र २९ गते काठमाडौँको किर्तिपुरस्थित मत्स्य रिकृयसन सेन्टरमा सम्पन्न हुनेछ।
प्रतियोगितामा प्रथम हुने टिमलाई ७५ हजार नगदसहित ट्रफी, मेडल र प्रमाणपत्र प्रदान गरिनेछ। द्वितीयले ४० हजार र तृतीय हुने टोलीले २० हजार पाउनेछन्। त्यस्तै उत्कृष्ट खेलाडीलाई १५०५ रुपैयाँ, सर्वाधिक गोलकर्ता र उत्कृष्ट गोलकिपरलाई आ-आफ्नै १००५ रुपैयाँ नगदसहित सम्मान गरिनेछ।
प्रतियोगिताका लागि टोली दर्ता खुला गरिएको आयोजक समितिले जनाएको छ। टोली प्रवेश शुल्क ९००० रुपैयाँ तोकिएको छ भने भदौ २५ गतेसम्म दर्ता अनिवार्य गर्नुपर्नेछ।