सिड्नीमा दिप नारायण चौधरी पुनः अध्यक्ष चयन

सिड्नी (अष्ट्रेलिया) – थारु सोसाइटी सिड्नी अष्ट्रेलियाको चौथो अधिवेशनले दिप नारायण चौधरीलाई पुनः अध्यक्षमा चयन गरेको छ। चौधरीले यसअघि पनि अध्यक्षको जिम्मेवारी सम्हालेका थिए र अब अर्को कार्यकालका लागि निरन्तरता पाएका हुन्।

अगस्ट २३ मा रकडेलस्थित इन्द्रेणी फंक्शन सेन्टरमा सम्पन्न अधिवेशनले नयाँ कार्यसमिति घोषणा गरेको हो। यसअन्तर्गत उपाध्यक्षमा निमिस लेखी र विनय चौधरी, महासचिवमा मधुकर चौधरी, सचिवमा सोफिया चौधरी र कोषाध्यक्षमा रिंकु चौधरी चयन भएका छन्। त्यस्तै, पब्लिक रिलेसन अफिसरमा अरुण कुमार चौधरी जिम्मेवारी पाएका छन्।

संगठनले विभिन्न संयोजक पनि तोकेको छ। महिला संयोजकमा मिस्रा कुमारी चौधरी, आईटी संयोजकमा उमेश चौधरी, सांस्कृतिक संयोजकमा पूजा चौधरी, विद्यार्थी संयोजकमा हृदेश चौधरी, खेलकुद संयोजकमा रोहन चौधरी, महिला सह–संयोजकमा श्रुति चौधरी, सह–कोषाध्यक्षमा उपासना चौधरी र विद्यार्थी सह–संयोजकमा हरिकृष्ण चौधरीलाई चयन गरिएको छ।

कार्यकारीणी सदस्यमा सुनम चौधरी, रञ्जना चौधरी (पर्सा), स्वेता चौधरी, नज्मा चौधरी, रञ्जना चौधरी (कैलाली), श्रुति गच्छदार, अस्मिता खोजवार, सिद्धान्त चौधरी, मिलन चौधरी, सागर चौधरी, रितेश चौधरी र सन्दीप चौधरी रहेका छन्।

संस्थाको वरिष्ठ सल्लाहकारमा रामेश्वर चौधरी रहेका छन् भने दुर्गानन्द चौधरी र जानुका चौधरीलाई सल्लाहकारको जिम्मेवारी दिइएको छ।

नव–निर्वाचित कार्यसमितिको कार्यकाल दुई वर्षको रहनेछ।