साउथवेस्टर्न स्टेट कलेजमा साउन २७ र २८ गते भव्य चेस प्रतियोगिता, दर्ता खुला

काठमाडौंको बसुन्धरास्थित साउथवेस्टर्न स्टेट कलेजले आगामी साउन २७ र २८ गते प्रथम कलेजस्तरीय चेस प्रतियोगिता आयोजना गर्ने भएको छ। शुक्रबार काठमाडौंमा आयोजित पत्रकार सम्मेलनमार्फत कार्यक्रमको घोषणा गर्दै आयोजकले यो प्रतियोगितालाई नेपालको चेस इतिहासमा सबैभन्दा ठूला कलेजस्तरीय प्रतिस्पर्धामध्ये एकको रूपमा लिने तयारी भएको बताएका छन्।

दुई दिनसम्म चल्ने यस प्रतियोगितामा १ लाख ४२ हजार रुपैयाँ नगद पुरस्कार वितरण गरिनेछ। साथै, उच्चस्तरीय व्यवस्थापन, उपत्यका बाहिरबाट आउने सहभागीहरूको बसोबास, सुरक्षा तथा अन्य आवश्यक व्यवस्थाका लागि करिब ७ लाख रुपैयाँभन्दा बढीको लगानी गरिएको कलेजले जनाएको छ।

प्रतियोगितामा सहभागिताका लागि दर्ता शुल्क १,००० रुपैयाँ तोकिएको छ र इच्छुकले साउन २५ गतेसम्म नाम दर्ता गराउन सक्नेछन्।
पुरस्कारको विवरण अनुसार—

• प्रथम: ५०,००० रुपैयाँ

• दोस्रो: २५,००० रुपैयाँ

• तेस्रो: १५,000 रुपैयाँ
  यसका साथै अन्य स्थान प्राप्त गर्ने तथा महिला खेलाडीहरूका लागि विशेष पुरस्कारको व्यवस्था गरिएको छ।

कार्यक्रममा टोखा नगरपालिकाको सहयोग उल्लेखनीय रहेको आयोजकको भनाइ छ। नगरप्रमुख प्रकाश अधिकारी, वडा नं. ५ का अध्यक्ष मदन गुरुङ र वडा नं. ७ का अध्यक्ष नरोत्तम राणाले कार्यक्रमको व्यवस्थापन र सफलतामा महत्वपूर्ण भूमिका निर्वाह गरेको आयोजकले सराहना गरेका छन्।

कलेजका अनुसार, चेस प्रतियोगिताको मुख्य उद्देश्य शैक्षिक संस्था र विद्यार्थीबीचको नेटवर्क विस्तार, स्वस्थ प्रतिस्पर्धा र सहकार्यको सन्देश फैलाउनु हो।