थारु विद्यार्थी सभा युकेको अध्यक्षमा सबिना थारु चयन

थारु विद्यार्थी सभाको युनाईटेड किङ्गडम (युके) शाखा गठन गरेको छ । बुधबार सबिना थारुको अध्यक्षतामा युके शाखा गठन गरेको हो । 
शाखाको महिला उपाध्यक्षमा ज्योती चौधरी चयन भएका छन् भने पुरुष उपाध्यक्षमा रमेश चौधरी, सचिवमा छबिन नारायण चौधरी, उप–सचिवमा जिना पंजियार र कोषाध्यक्षमा लक्ष्मी चौधरी चयन भएका छन् । 

सभाका केन्द्रिय अध्यक्ष शुशिला चौधरीको सभापतित्वमा भर्चुअल भेलाको माध्यमद्धारा युकेमा रहेका विद्यार्थीहरुको उपस्थितिमा युके शाखा चयन गरिएको हो । कार्यक्रममा प्रमुख अतिथिको रुपमा थारु कल्याणकारिणी सभाका अध्यक्ष प्रेमिलाल चौधरी रहेका थिए भने विशिष्ट अतिथिहरुमा थाकस युकेका अध्यक्ष, थाकस जापानका अध्यक्ष ओमप्रकाश दास, थारु भाषा साहित्य केन्द्रका कोषाध्यक्ष राकेश सिंह, थारु विद्यार्थी सभाका बरिष्ठ उपाध्यक्ष सुमन चौधरी, पुर्व उपाध्यक्ष धरमेन्द्र चौधरी, थारु विद्यार्थी सभा जापान अध्यक्ष काशिलाल थारु लगायत पत्रकार र बुद्धिजिविहरुको उपस्थिति रहेको थियो । 

कार्यक्रममा निर्वाचन अधिकृतको भुमिका थाकस उपत्यका समितिका सभापति सत्य नारायण चौधरी (सुमन)ले निभाएका थिए भने कार्यक्रमलाई सफल बनाउन सहयोगी संस्थाको रुपमा डब्लुएलएस रिसर्चले सहजिकरण गरेका थिए । 

शाखाको कार्यसमितिलाई मनोनयन मार्फत पुर्णता दिने जनाईएको छ ।