रास्वपाका सांसद डीपी अर्यालको भनाइ : 'काम गरेर खान्छु, चोरेर हैन'

काठमाडौं — राष्ट्रिय स्वतन्त्र पार्टी (रास्वपा) का सांसद डीपी अर्यालले आइतबार प्रतिनिधिसभामा बोल्दै भ्रष्टाचारका नाममा भइरहेको मानव तस्करीविरुद्धको आन्दोलन जारी रहेको बताएका छन्।

उनले सरकार यस विषयमा गम्भीर नदेखिएको आरोप लगाउँदै, काम गरेर खानेलाई चोरेर खानेहरुले बदनाम गरिरहेको भन्दै आक्रोश व्यक्त गरे।

मानव तस्करी प्रकरणमा संसदीय छानबिन समिति वा उच्चस्तरीय आयोग गठनको माग गर्दै आएका अयालले आफूलाई सदनमै आधारहीन आरोप लगाइएको दाबी गरे।

‘राजनीतिलाई पेसा बनाएका व्यक्तिहरूले काम गरेर खानेहरूलाई दोष दिइरहेका छन्,’ उनले भने।

सांसद अयालले आफ्नै कम्पनी ‘समर टुर एन्ड ट्राभल्स’ को नाम सार्वजनिक गर्दै, त्यसमार्फत कोही वैदेशिक रोजगारीमा गएकै छैनन् भन्ने प्रमाण माग गरे।

उनले भने, ‘म चोरेर खाने मान्छे होइन, काम गरेर खान्छु। यदि कसैले प्रमाण दिन्छ भने म जिम्मेवारी लिन तयार छु, नभए आधारहीन आरोप संसदको रेकर्डबाट हटाउनुपर्छ।’