गर्मीबाट राहत लिन कुरिनटार रिट्रिटमा आन्तरिक पर्यटकको उल्लेखनीय उपस्थिती

चितवनको इच्छाकामना गाउँपालिका अन्तर्गत पर्ने कुरिनटारस्थित ‘कुरिनटार रिट्रिट रिसोर्ट’ पछिल्लो समय गर्मी छल्न चाहने आन्तरिक पर्यटकहरूको रोजाइमा पर्न थालेको छ। नेपालकै मुख्य राजमार्ग नजिकै अवस्थित यो रिट्रिट शान्त वातावरण, प्राकृतिक सौन्दर्य र मनोरञ्जनको उपयुक्त संयोजनका लागि परिचित हुँदै गएको छ। प्रसिद्ध धार्मिक गन्तव्य मनकामना मन्दिर नजिकै रहेको कारणले पनि यो रिट्रिट देशका विभिन्न स्थानबाट काठमाडौं भित्रिने तथा पृथ्वी राजमार्ग हुँदै बाहिरिने यात्रुहरूका लागि आकर्षणको केन्द्र बनेको देखिन्छ।

एलिट हस्पिटालिटीको व्यवस्थापनमा सञ्चालित यस रिट्रिटमा स्वादिलो र पौष्टिक खाना, सहज बासस्थान तथा विविध मनोरञ्जनात्मक सेवाहरू उपलब्ध छन्। हरियालीले भरिएको सुन्दर वातावरण र भव्य स्विमिङ पुलको सुविधा पर्यटकहरूको विशेष आकर्षण बनेको छ।

यहाँको एसी रेस्टुरेन्ट, जहाँ नेपाली, भारतीय तथा अन्तर्राष्ट्रिय परिकार परोसिन्छ, यात्रुहरूका लागि विश्राम र स्वादको अनुभव दिने केन्द्रका रूपमा लोकप्रिय छ।

परिवारसहित आउने पाहुनाहरूका लागि यहाँ आधुनिक बाल खेल मैदानको व्यवस्था गरिएको छ, जसले यस स्थानलाई पारिवारिक रमाइलोको आदर्श स्थल बनाएको छ। साथै, इलेक्ट्रोनिक सवारी साधन चार्ज गर्ने स्टेशनको पनि सुविधा उपलब्ध छ।

रिट्रिटको व्यवस्थापन पक्षले आगामी दिनमा थप सेवा तथा सुविधा विस्तार गर्ने तयारी गरिरहेको जनाइएको छ। यससँगै, कुरिनटार क्षेत्रको आन्तरिक पर्यटनमा अझ उत्साहजनक वृद्धि हुने अपेक्षा गरिएको छ।