नेपाल प्रेस युनियनको ३४औं स्थापना दिवसमा वृहत स्वास्थ्य शिविर सम्पन्न

नेपाल प्रेस युनियन काठमाडौं शाखाले आफ्नो ३४औं स्थापना दिवसको अवसरमा अनामनगरस्थित सामाजिक विकास भवनमा वृहत स्वास्थ्य शिविरको आयोजना गरेको छ।

शिविरमा वीर अस्पतालका विशेषज्ञहरूले विभिन्न स्वास्थ्य परीक्षण गरेका थिए भने तिलगंगा आँखा अस्पतालका विशेषज्ञहरूले आँखाको जाँच गरे। त्यस्तै, भक्तपुर क्यान्सर अस्पतालका चिकित्सकहरूले महिलाहरूका लागि पाठेघर तथा स्तन क्यान्सर स्क्रिनिङ गरेका थिए। राष्ट्रिय जनस्वास्थ्य प्रयोगशालाबाट रगत र युरिनको परीक्षण गरिनुका साथै चिरायु डेन्ट केयरका विशेषज्ञहरूले दन्त परीक्षण सेवा प्रदान गरेका थिए।