सभामुख डीपी अर्याल र संयुक्त राष्ट्रसंघकी आवासीय संयोजक लिला पिटर्स बिच शिष्टाचार भेट

सभामुख डोल प्रसाद (डीपी) अर्यालसँग नेपालका लागि संयुक्त राष्ट्रसंघकी आवासीय संयोजक लिला पिटर्स याहियाले शिष्टाचार भेट गर्नु भएको छ ।

भेटमा नेपाल–संयुक्त राष्ट्रसंघ सहकार्य, युवा सहभागिता, शिक्षा, लैंगिक समानता तथा जलवायु परिवर्तनका विषयमा छलफल भएको छ। सभामुख अर्यालले प्रतिनिधि सभामा युवाहरूको बढ्दो सहभागितालाई ऐतिहासिक उपलब्धि उल्लेख गर्दै समावेशी लोकतन्त्र सुदृढीकरणमा जोड दिनुभयो।

सो अवसरमा आवासीय संयोजक याहियाले नेपालले युवामुखी संसद गठन गरेर विश्वमै उदाहरण प्रस्तुत गरेको उल्लेख गर्दै शिक्षा सुधार र जलवायु परिवर्तनका क्षेत्रमा संयुक्त राष्ट्रसंघ सहकार्य गर्न तयार रहेको बताउनुभयो।