राज्य व्यवस्था तथा सुशासन समितिको सभापतिमा ईश्वरीदेवी न्यौपानेको उम्मेदवारी

काठमाडौं । प्रतिनिधि सभाअन्तर्गतको राज्य व्यवस्था तथा सुशासन समितिको सभापतिमा नेपाली कांग्रेसले सांसद ईश्वरीदेवी न्यौपानेलाई अघि सारेको छ।

मंगलबार कांग्रेस शीर्ष नेताहरूको बैठकले उनलाई सभापतिमा प्रस्ताव गर्ने निर्णय गरेपछि न्यौपानेले औपचारिक रूपमा उम्मेदवारी दिएकी हुन्। “म यसअघि संसदीय सुनुवाइ समितिको सभापति थिएँ। बिहानै पार्टी पदाधिकारीहरूले राज्य व्यवस्था तथा सुशासन समितिको सभापतिमा अघि सार्ने निर्णय गरेको बताएपछि हामीले भर्खरै मनोनयन दर्ता गरेका हौँ,” न्यौपानेले भनिन्।

यसअघि संसदीय सुनुवाइ समितिको सभापति रहेका रामहरि खतिवडाले राजीनामा दिएपछि कांग्रेसले नयाँ नेतृत्वका लागि न्यौपानेलाई अघि सारेको हो।

राजीनामाबारे बोल्दै खतिवडाले आफूले नैतिक आधारमा स्वेच्छाले पद छाडेको स्पष्ट पारे। सञ्चारकर्मीहरूसँग कुरा गर्दै उनले सभापति पदमा रहँदा करिब ८० वटा बैठक सञ्चालन गर्दै महत्वपूर्ण विधेयकहरूमा काम गर्न सफल भएको दाबी गरे।