शिक्षा समितिलाई विद्यार्थी संगठनहरूको ज्ञापनपत्र

काठमाडौं – नेपाल सरकारले संसदमा दर्ता गरेको ‘विद्यालय शिक्षा सम्बन्धी विधेयक, २०८०’ का विषयमा विभिन्न विद्यार्थी संगठनहरूले प्रतिनिधिसभाको शिक्षा समितिका सभापति अम्मरबहादुर थापालाई ज्ञापनपत्र बुझाएका छन्।

नेपाल विद्यार्थी संघका अध्यक्ष दुजाङ शेर्पा, अनेरास्ववियुका अध्यक्ष सुजन कडरिया, अनेरास्ववियु (क्रान्तिकारी) का अध्यक्ष विजय प्रकाश शर्मा सहित १६ विद्यार्थी संगठनका प्रतिनिधिहरूले उक्त ज्ञापनपत्र बुझाएका हुन्।

ज्ञापनपत्रमार्फत विद्यार्थी संगठनहरूले विद्यार्थीमैत्री शिक्षा ऐन जारी गर्नुपर्ने माग राखेका छन्। साथै, शिक्षक नियुक्ति प्रक्रियामा शतप्रतिशत खुला प्रतिस्पर्धा सुनिश्चित गर्नुपर्ने लगायतका सुझावहरू पनि प्रस्तुत गरिएको छ।