नाइमा नेपाल मोबिलिटी एक्स्पो २०२५ काठमाडौंको भृकुटीमण्डपमा सुरु

काठमाडौं, साउन २२ – नेपाल अटोमोबाइल इम्पोर्टर्स एन्ड म्यानुफ्याक्चरर्स एशोसिएशन (नाइमा) को आयोजनामा ‘नाइमा नेपाल मोबिलिटी एक्स्पो २०२५’ आजदेखि काठमाडौंको भृकुटीमण्डपमा सुरु भएको छ। एक्स्पोको उद्घाटन उपप्रधान तथा अर्थमन्त्री विष्णुप्रसाद पौडेलले गरे।

साउन २५ गतेसम्म चल्ने उक्त एक्स्पोमा ३५ नयाँ सवारीसाधन सार्वजनिक गरिएका छन्। तीमध्ये १५ वटा दुईपांग्रे, १५ वटा चारपांग्रे र ५ वटा व्यावसायिक प्रयोजनका सवारीसाधन रहेका छन्।

नाइमाकी अध्यक्ष ऋतुसिंह वैद्यले मोबिलिटी क्षेत्र नेपालको आर्थिक विकास र रोजगारी सिर्जनामा महत्वपूर्ण भूमिका खेल्ने बताइन्।

एक्स्पोको अवलोकनका लागि ब्यांकर अनिल केशरी शाह समेत उपस्थित थिए। उनले विभिन्न स्टलहरूमा पुगेर कम्पनीहरूले प्रदर्शनीमा ल्याएका सवारीसाधनहरूको जानकारी लिएका थिए।