लाजिम्पाटको 'पर्फेक्ट कलेक्सन' ९ औं वर्षमा, आउटलेट विस्तारसहित विविध सामग्री उपलब्ध

काठमाडौं — लाजिम्पाटस्थित ‘पर्फेक्ट कलेक्सन’ले आफ्नो ९ औं वार्षिकोत्सव विशेष कार्यक्रमसहित मनाएको छ। सांग्रिला होटलको अगाडि आयोजित कार्यक्रममा चर्चित कलाकार आर्यन सिग्देलको विशेष उपस्थितिमा व्यवसायिक यात्राको नवौं वर्ष पूरा भएको अवसरमा उत्सव आयोजना गरिएको हो।

सञ्चालक सविन केसी र सत्य श्रेष्ठद्वारा स्थापना गरिएको कलेक्सनले यस अवसरमा नयाँ आउटलेट विस्तार गर्दै सेवा र सामग्रीको दायरा अझ फराकिलो बनाएको छ। सुरुमा फेन्सी लुगा बिक्रीमा केन्द्रित कलेक्सनले अब ग्राहकका रोजाइ अनुसार फरक–फरक प्रकारका लुगाफाटाका र सामग्रीहरू उपलब्ध गराउन थालेको छ।

सञ्चालक केसीका अनुसार कलेक्सनमा अहिले फर्मल पेन्ट, जिन्स, सुटकेस, जुत्ता, चप्पल, चस्मा, परफ्युम, ब्राण्डेड लुगाफाटा लगायतका थुप्रै उत्पादनहरू सहज मूल्यमा उपलब्ध छन्।

“हामी चाहन्छौं, एकपटक ग्राहक कलेक्सनमा प्रवेश गरेपछि उनलाई अन्यत्र जान नपरोस्,” केसीले भने, “हाम्रो उद्देश्य एकै स्थानमा सबै आवश्यक सामग्री उपलब्ध गराउनु हो।”

पुरुष लक्षित सामग्रीमा केन्द्रित कलेक्सनमा विभिन्न ब्राण्डका वस्त्र, लगेज, फुटवेयरदेखि लिएर जीवनशैलीसँग सम्बन्धित वस्तुहरू उपलब्ध गराइने सञ्चालकद्वयको भनाइ छ।