अन्तरिम सरकारकी प्रधानमन्त्री सुशीला कार्कीले पदभार सम्हालिन्

काठमाडौँ ।
अन्तरिम सरकारकी नवनियुक्त प्रधानमन्त्री सुशीला कार्कीले आइतबार पदभार ग्रहण गरेकी छिन्। सिंहदरबारस्थित गृहमन्त्रालयको नयाँ भवनमा उनले पदभार सम्हाल्दै शहीदहरूप्रति श्रद्धाञ्जली अर्पण गरेर औपचारिक कार्यभार सुरु गरिन्।

जेनजीहरूको भोटिङ प्रक्रियामार्फत कार्की शुक्रबार राति अन्तरिम सरकारको प्रधानमन्त्रीमा चयन भएकी थिइन्। आन्दोलनका क्रममा प्रधानमन्त्रीको सरकारी निवास बालुवाटारमा क्षति पुगेकाले उनले हालसम्म आफ्नै निजी निवासबाट कार्यसम्पादन गर्दै आएकी थिइन्।