एमाले महाधिवेशनको दोस्रो दिन : समूहगत छलफल हुदैँ

काठमाडौं । नेकपा (एमाले) को दोस्रो राष्ट्रिय विधान महाधिवेशनको दोस्रो दिन शनिबार विभिन्न प्रतिवेदनमाथि समूहगत छलफल हुने भएको छ।

आजको कार्यक्रममा निर्वाचन आयोग, लेखा आयोग र अनुशासन आयोगका थप प्रतिवेदन प्रस्तुत हुनेछन्। पहिलो दिन अध्यक्ष केपी शर्मा ओलीको राजनीतिक प्रतिवेदन, उपाध्यक्ष विष्णु पौडेलले प्रस्तुत गरेको विधान संशोधन प्रतिवेदन, महासचिव शंकर पोखरेलको सांगठनिक प्रतिवेदन र सल्लाहकार परिषद्का अध्यक्ष अमृतकुमार बोहराको प्रतिवेदन पेस भइसकेका थिए।

यस्तै, स्थायी कमिटी सदस्य कर्णबहादुर थापाले दर्ता गरेको ३२ पृष्ठको फरक मतसमेत आज प्रस्तुत हुने सम्भावना रहेको छ। महाधिवेशन बिहान ८ बजे सुरु भई १० बजेसम्म प्रतिवेदन पेश गर्ने र त्यसपछि समूहगत छलफल आरम्भ गर्ने तालिका तय गरिएको छ।

यस महाधिवेशनमा देशभरबाट आएका दुई हजार २६ जना प्रतिनिधि तथा आयोजकतर्फबाट ३१५ जना गरी कुल दुई हजार ३४१ जना सहभागी रहेका छन्।