राजधानीमा दुई दर्जनभन्दा बढी थारु कलाकारहरुको उपस्थितिमा “हरेरी साँस्कृतिक साँझ–२०८३” हुँदै

काठमाडौं । घोघीं स्टेसन प्रा.लि.को आयोजनामा काठमाडौंमा दुई दर्जनभन्दा बढी चर्चित थारु कलाकारहरुको उपस्थितिमा हरेरी साँस्कृतिक साँझ–२०८३ हुने भएको छ । 

आयोजकले पहिलो पोष्टर सार्वजनिक गर्दै कार्यक्रम भृकुटीमण्डपस्थित नेपाल पुलिस क्लबको हलमा हुने जानकारी दिएको छ । 

“आपसी एकता, सांस्कृतिक पहिचान, समृद्ध थारु समाज हाम्रो अभियान” भन्ने नारासहित आयोजना गर्न लागेको कार्यक्रममा देशभरबाट दुई दर्जनभन्दा बढी थारु कलाकारहरुको उपस्थिति रहने आयोजकले जनाएको छ । 

साउन ९ गते शनिबारको दिन हुने उक्त कार्यक्रम दिउँसो २ बजेदेखि राति ९ बजेसम्म चल्नेछ ।