भेष्पा अप्रिलियाको नयाँ सर्भिस सेन्टर बौद्धमा सञ्चालन, ग्राहकलाई उत्कृष्ट सेवाको प्रतिबद्धता

काठमाडौं, २०८२ भदौ ३ – डेल्टा अटोकर्प प्रा.लि., भेष्पा अप्रिलियाको नेपालस्थित आधिकारिक वितरक,ले काठमाडौंको बौद्धस्थित पिपलबोटमा नयाँ सर्भिस सेन्टर सञ्चालनमा ल्याएको छ। कम्पनीले ग्राहकलाई अझ गुणस्तरीय र भरपर्दो बिक्री पछिको सेवा दिने उद्देश्यले यो सुविधा सम्पन्न केन्द्र स्थापना गरेको जनाएको छ।

कम्पनीद्वारा जारी विज्ञप्तिमा भनिएको छ, “हामी हाम्रो हरेक ग्राहकलाई उत्कृष्ट अनुभव दिन प्रतिबद्ध छौं। यो नयाँ सर्भिस सेन्टरले भेष्पा अप्रिलियाका स्कुटर प्रयोगकर्तालाई सहज र विश्वासिलो सेवा उपलब्ध गराउनेछ।”

सर्भिस सेन्टरमा अत्याधुनिक उपकरण र दक्ष प्राविधिकको व्यवस्था गरिएको छ, जसले स्कुटर मर्मत र सेवामा प्रभावकारिता ल्याउनेछ। यसैसँगै, ग्राहकले स्पेयर पार्ट्स, सर्भिस तथा मर्मत सबै सुविधा एउटै स्थानमा प्राप्त गर्न सक्नेछन्।

डेल्टा अटोकर्पका निर्देशक तथा सीईओ विजय महतोले नयाँ केन्द्रले बिक्री पछिको सेवाको दायरा अझ विस्तार गर्ने उल्लेख गर्दै भने, “भेष्पा अप्रिलियाका ग्राहकले अब सजिलै आफ्नो स्कुटर मर्मतका लागि सम्पर्क गर्न सक्नेछन्। हामी ग्राहक सन्तुष्टिलाई प्राथमिकता दिँदै आएका छौं र यो सर्भिस सेन्टरले सेवामा थप सहजता ल्याउनेछ।”