‘मिडनाइट ब्लु’ रंगमा टिभिएस रोनिन २२५ को २०२५ संस्करण नेपालमा सार्वजनिक

काठमाडौँ — नेपालमा टिभिएस मोटरसाइकलको आधिकारिक वितरक जगदम्बा मोटर्सले NAIMA २०२५ मा टिभिएस रोनिन २२५ को २०२५ संस्करणलाई नयाँ ‘मिडनाइट ब्लु’ रंगमा बजारमा उतारेको छ। प्रिमियम डिजाइन, बहुआयामिक प्रदर्शन र आधुनिक राइडर-केंद्रित सुविधाका कारण यो संस्करणले मोटरसाइकल प्रेमीको ध्यान तानेको छ।

हल ‘बी’ को स्टल L3A मा प्रदर्शित रोनिन २२५ ले अत्याधुनिक प्रविधि र उत्कृष्ट इन्जिनियरिङको संयोजनमार्फत दैनिक सहरभित्रको आवागमनदेखि एड्भेन्चर यात्रासम्म उपयुक्त विकल्पको रूपमा आफूलाई प्रस्तुत गरेको छ।

सवारीका हरेक मोडका लागि उपयुक्त
यस मोटरसाइकलमा रहेको परिष्कृत इन्जिनले स्मुथ टर्क डेलिभरी र उच्च थ्रोटल रेस्पोन्स प्रदान गर्छ। अर्बन र रेन राइडिङ मोडबीच सहज स्विच गर्न मिल्ने भएकाले विभिन्न सडक र मौसम अवस्थामै पनि सुरक्षित नियन्त्रण सुनिश्चित हुन्छ।

२०२५ संस्करणका प्रमुख विशेषता

SmartXonnect™ ब्लुटुथ कनेक्टिभिटी — स्मार्टफोनसँग सजिलै जडान र नेभिगेसन सहयोग

डुअल-च्यानल एबीएस मोड — ब्रेकिङमा उच्च सुरक्षा

अपसाइड डाउन (USD) फ्रन्ट फोर्क — ह्यान्डलिङ र स्थिरतामा सुधार

एड्जस्टेबल लिभरहरू — चालकको आवश्यकता अनुसार मिलाउन सकिने

राइडिङ मोडहरू — अर्बन र रेन, फरक अवस्थाका लागि अनुकूल

रङमा नयाँ पहिचान
‘मिडनाइट ब्लु’ रंगले रोनिन २२५ लाई थप प्रिमियम र स्टाइलिश बनाएको छ, जसले प्रदर्शन र सौन्दर्यलाई समान प्राथमिकता दिने राइडरहरूका लागि यो संस्करणलाई विशेष बनाउँछ।

मूल्य र प्रतिबद्धता
रु ४,५९,९०० को प्रारम्भिक मूल्यमा उपलब्ध यो मोटरसाइकल, जगदम्बा मोटर्सको बलियो डिलर नेटवर्क, उत्कृष्ट बिक्री-पछिको सेवा र ग्राहकमैत्री नीतिसहित नेपाली बजारमा आएको हो। कम्पनीले डिजाइन, प्रविधि र मूल्यको सन्तुलनमार्फत प्रिमियम मोटरसाइकल बजारमा नयाँ मापदण्ड स्थापित गर्ने लक्ष्य लिएको छ।